Beloh Mangan Ongkosen Ku Empos Ni Jema

Beloh Mangan Ongkosen Ku Empos Ni  Jema
Daftar Isi Artikel
Judul : Beloh Mangan Ongkosen Ku Empos Ni  Jema

Lo kamis mane, aku orom pongku beloh mangan ongkosen mungotep kupi kuempus ni jema i aramiko. kami beloh jem tujuh ari umah. Aku mah redio kucak, kantong, renye mah baju roa. Ni pongkune beta, munemah kantong orom perlalaten mungotep beringi. Sana kati kami mah redio, kena ton simale kami tuju iatas ni bor, jadi ara siaren redio si belangi-belangi.

Empus si kami tujune dele pedeh uah ni kupie. Ara ateng dan tim-tim nge ilang. Renye sewaktu nge sawah kami renye betetah muniru kejep, renye memurum mayo kowan empus. Ni pongkunepe renye munuet baris kusagiso, ninongpe renye kusagi nuet baris berbenyer.

Kami ngotep sebenari rami dan mubilangen. Waktu oya enge kiruh deba sabe dirie, ara simulawi, ara sipukekedik ari kena galake. Pongkune gerele hamdan. We lisik pedeh mungotep kupi, ike nong mantong sara kantong, nise enge sara kantong setengah, memang bidik pumue mujangko uwahni kupia.

Belem atas lo timang, nge geh simunalu ari atas ni temong, "den.........!!!, dan.....!!! pangan mulo jengoni. Renyel kamipe bedebrus mudedik pemanganen. Renye kami kunul murum minum kupi urum jengo mungotep alias bede goreng. Luer biasa sedep pemanganen silagu noyapen ke nge mulape.

Singket cerite, renye kami dabuh mungotep mien, kire nge le seba sawah sara karong sedang pengotep ni kami. Ara singe lebihpe ari kena bedeke. Renye nge le lope muloi timang. Kuarap arapan lagu simakin muara uah nikupie pe. Renye meling adzan ruhul. Ulak renye akupe kujamur kutalui pongkune sesire remalan. Renye ara sisemiyang ara sigere, ke sisemiyang keta nge mubasoh pumu kedeng ari weh wan derom. Renye seminyang kutempat sirata. Mari ruhul kena kerope nge itangkohi ari wan bakoten kamipe renye konol munampin kero atau munampi beredang.

Jantar waktu oya jepang irebus orom jejah, ara simunemah gule sambal nge macam berbage, deba tenaroh bulet we wan ceracak. Alhamdulillah nge le meh sedie. Kamipe renye besuep gerene pucecerak. Gelaspe nge kuso kini itetegu kena ggelas gere genap. Nikekank kucakpe keta nge perebut gule orom terasi tunu. Ara singe mari, renye mubasoh pumu renye entah kune ceriteye nge mulengeken diri, mongkin mutonoh potongne.

Sewaktu nge meh selese bewene mangan lope nge minter jem due, deba rokok teku sara batang ilenne. Renye kene pongkune "entah muloi mien" kene, enye kenaku "entahmi keta". Kamipe renye munalengen karung singe engkip sine ku guni kol. Siteba munyuket renye munyuket pien tem nge keta pengutipen ni kami. Renye isodoken karungne kukuduk i ikot orom kantongne ku awak kamipe daboh mien mungotep.

Lope rerenye iyo, ari lalewe kamipe gerene pececerak nge musesepi teba kusagi. Lo lagu simuloi redok. Lagu nge mugelep mon pe potongne lagu si male uren turun. Mesut sara jema ari sagiso, "woy.... gere ke ulakmi kiteni....!"... akhere kamipe renye kuarap-arapen jadi bang sara kantongmi demu. Renye nipongkunepe itatangen karong singemisi ijujung imai ku jamor. Ninongpe nge kukemeken kujamor bewene nge sedie.

Gere iduga lope kerupen nge jem lime pas. Renye bebasoh, muropen salak singemukekiripen. Lo rerenye gelep kamipe renye muganti baju. Pongku renye munintung utem munilang rara. Kami muniro ari kena bengie iyo oyane. Renye kuuweten redio kuguelen olok pedi gure dangdut roma irama tengah iputer. Asap ni utem basahpe enge mujembuel kuatas. Lo rerenye gelep sawah adzan maghrib enge mulentayon ari wan kampongso. Kamipe renye semiyang megerib.

Tekedir ara nge simujerang tarok nijepang urum tenaroh igoreng tamah terasi tunu. Kamipe mangan iyo murum wan jamur siempet. Lope renye gelep, cumen dom dele nicerite nijemae sawah ku jem sebelas kelem. Ahere kamipe renye nome, kena soboh nge terang lo kati mungotep mien. Oyale cerite  mangan ongkosen ku empus nijema mumerah sen belenye sekulah orom dediang.
Demikianlah cerita bahasa gayo yang dapat kami tulis. Semoga dapat bermanfaat dan dapat menghibur kita semua.

Author : Setiawan
Google Gayo
Oleh Google Gayo

Surat Al-Hujurat ayat 6 : يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ "Wahai orang-orang yang beriman, jika datang seorang yang fasik kepadamu membawa berita, maka tangguhkanlah (hingga kamu mengetahui kebenarannya) agar tidak menyebabkan kaum berada dalam kebodohan (kehancuran) sehingga kamu menyesal terhadap apa yang kamu lakukan".

Langganan

jangan tinggalkan link aktif di komentar

  1. Untuk membuat judul komentar, gunakan <i rel="h2">Judul Komentar</i>
  2. Untuk membuat kotak catatan, <i rel="quote">catatan</i>
  3. Untuk membuat teks stabilo, <i rel="mark">mark</i>
  4. Untuk membuat teks mono, <i rel="kbd">kbd</i>
  5. Untuk membuat kode singkat, <i rel="code">shorcode</i>
  6. Untuk membuat kode panjang, <i rel="pre"><i rel="code">potongan kode</i></i>
  7. Untuk membuat teks tebal, <strong>tebal</strong> atau <b>tebal</b>
  8. Untuk membuat teks miring, <em>miring</em> atau <i>miring</i>